image

“Yen ing Tawang ono lintang…” lan sakpiturute.

Kuwi tembang sing methuk aku nalika sabtu, 17 September aku mudun ono stasiun Tawang, Semarang. Dino kuwi aku kudu nekani undangan jagong manten sepupu ne sisihanku. Putrane bulik sing sesilih Iffah kadhaupake karo Wahyu.

Numpak kereta Senja Utama seko Jatinegara, aku tekan ibukota Jawa Tengah iki wanci kiro-kiro 4.30 kurang. Langit isih peteng lan azan subuh wae durung ono. Lagi sepisan iki aku menyang stasiun Tawang. Biasane numpak e Bis nek lagi no Semarang.

Undangan isih suwe, jam 11.00, ning aku wis niat nunggu ono stasiun wae soale luwih gampang nek adus lan golek mangan. Akhire bubar subuhan aku klekaran ono bangku dowo sing biasane kanggo nunggu kereta. Rodo sauntara olehku turu, langit e wis padang. Stasiun wis mulai rame penumpang. Aku golek pop mie kanggo ngangetke weteng, banjur adus lan siap-siap ganti batik kanggo jagong.

Bubar adus kliling-kliling stasiun, ndelok bangunan stasiun sing bergaya kolonial. Ono papan nama stasiun ditulis 2 m dari permukaan laut. Woo la pantes ae sok krungu kabar nek stasiun Semarang kebanjiran. Banjir rob soko banyu laut.

Amargo ora ngerti dalan, aku numpak Taksi menyang gedhung manten. Acara ne manggon ono kompleks Museum Jawa Tengah, sing saiki aran e Museum Ronggo Warsito. Dunung e ono laladan Kalibanteng, cerak karo bandara Semarang.

Semarang iku dewe, nek soko sejarah sing takwoco asal e soko Asem Arang, uwit asem sing arang. Genah e piye aku yo ra pati mudheng. Sing jelas Semarang kuwi nduwe crito heroik dek jaman perjoangan. Semarang duwe Rumah Sakit sing sesulih RS Karyadi. Mungkin jaman saiki wong wis podo lali knopo kok dijenengi mangkono. Sejarahe mbiyen jaman e pendudukan Jepang ono crito ngene :

Indonesia tahun 1945, wis ngumumake kamardhikan e liwat Pak Karno lan Pak Hatta. Nalika kuwi Jepang ono ing semarang. Poro pemuda mekso supoyo Jepang nyerahake sanjata ne menyang poro Pejuang. Nanging pemimpin e sing aran Kido nolak, malah ngupokoro nyerang dhisik.
Akhire akeh serangan lan pertempuran. Salah sawijining dino, ono kabar  mbok menowo Jepang wis ngracuni reservoir (tandhon) banyu ne Semarang. Rakyat dadi resah lan bingung.
Pak dr Karyadi sing rumongso dadi intelektual rumongso perlu ngecek langsung, neliti sampel banyu ono reservoir. Nanging wektu kuwi area kono sering ono pertempuran. Dr Karyadi tetep nekat mergo tanggung jawab. Ketiwasan, montor sing ngangkut pak dokter kecegat dening Jepang lan pak Karyadi ditembak lan sedo ono ing nggon.
Kabar kuwi cepet nyebar ing tengahe poro pemuda pejuang, akhire nyumet sumbu ne perang 5 hari ono Semarang. Pertempuran sing heroik. Kiro-kiro korban e nganti 2000an ono ing pihak e Republik, dene ing Jepang kiro-kiro 800 an mati. Miturut sejarah sing takwoco.

Yo kiro-kiro koyo ngono kuwi jaman revolusi peranan e Semarang kanggo Republik. Nek dirunut maneh saktemene Semarang iku tilas e Gemeente VOC. Kanggo hadiah naliko sakmono ngewangi mataram ngrebut Kartosuro.

Semarang saiki, ibukota ne Jawa Tengah nembe berbenah. Miturut sing tak delok ono jendelo taksi saksuwene mlaku soko Tawang tekan e Kalibanteng. Akeh trotoar sing dibenahi, malah wis ono bis Trans Semarang sing jargon e “Saatnya Semarang Setara”. Ono sisih liyo meneh pengerjaan Banjir Kanal kethok e ugo lagi dikebut. Mirip-mirip ono Jakarta, wis ono banjir kanal sing guedhe.
Mbuh ono hubungan e ora karo gubernur sing saiki, mugo-mugo wae ibukotaku iki pancen e lagi maju ning arah sing luwih apik. Dadi semarang ora gur nggo mampir nguyuh tumrap e wong sing ngetan nang Suroboyo, utowo sing ngulon menyang Jakarta.

Pungkasane, acara njagong Setu iki mlaku kanti lancar. Ati kroso adem mbalik nang daerah. Pancen, nek balik ono daerah kuwi, akeh sithik e bakal nambahi spirit kanggo mbalik maneh ono Jakarta. Jakarta sing keras, kadangkolo kejem.